Алексей Прокопьевич Уляшев 1926–14.01.1945
Уроженец д. Пузла Вольдинского с/с. На Великую Отечественную войну призван 28 ноября 1943 г., рядовой. Служил в 953-м стрелковом полку. Умер от ран 14 января 1945 г. Захоронен в г. Москва. «Книга памяти Республики Коми», том 3, стр. 282
Тайö партиясьыс Прокö Öлексей оз во Алексей Прокопьевич Уляшев чужлiс 1926-öд воын Павел Прокö да Микаль Öдялöн крестьянскöй семьяын мöд кагаöн. Чойыс, Мария Прокопьевна, казьтылö, мый Öлексей вöлi зэв зiльӧн да уджачӧн, кытчö ыстывлiсны, сэтчö и мунлiс, уджалiс быд коланаинын, томсянь колхозлӧн видз-му вылын. Война вылö босьтiсны 1943-öд вося ноябр 28-öд лунö. Служитiс 953-öд стрелковӧй полкын. Мунöмöн тшöтш и петкöдöмаöсь тышö. Бадьёльйывса Иван Егорович висьтавлiс, орччöн пö вöлi котöртам Öлексейкöд, да сiйö уси: кокас веськалöма пуляыс. Нуисны госпитальö. Тшыкöма вирыс. – Ме пö ог нин вермы терпитны, ог нин волы гортö, ме чайта, – гижлöма мамыслы Öлексей. Воис извещение:«Умер от ран». Дзебöма Москваын: шойсö сотöмаöсь да пöимсö пуктöмаöсь 201-öд ящикö. – Письмöыс вошис, а карточка ни öти эз волы, – шогсьö чойыс, – öнi на син водзын. Микита Семен Мишöс колльöдiс Дарья чойыс, Миколай Егорöс – Ольга чойыс, Агö Игнатьöс – Таись чойыс, Иван Тимаöс – Öдя чойыс, Егор Иванöс (вунöма ог помнит), Вась Öлексейöс да Прокö Öлексейöс – ме. Сиктсаяс Расыбсянь косiсны: кодкö гудöкасьö, кодкö бöрдö. Öртем Наста сэки шуис: «Тайö партиясьыс Прокö Öлексей оз во». «Мыйла?» – юалам. «Синъясыс серти шуа, шогöсь». Сiдз и лоис: витыс воисны, а Öлексей эз. Ми Кулöмдiнöдз на лэччылiм. Сэнi зэв ёна кынмим. Кайигöн Пожöг перевоз вуджöдiсны на, но узьны некод эз лэдз. Наридзыс зэв ёна кывтіс, да сунисöдз кöтасим. Ва паськöмнаным и ковмис кайны Скöрöдумöдз. Телегаяснымöс жö колим Вомынбöжö. Гижис П.А. Уляшева., висьталiс М.П. Игнатова (чой) |